"स्वागत तथा परिचयात्मक कार्यक्रम"
आज मिति २०८२ साल मंसिर ०४ गतेका दिन गाउँपालिकाका उपाध्यक्ष श्री दोर्जेमान जिम्बाज्युको अध्यक्षतामा तथा तत्कालिन प्रमुख प्रशासकिय अधिकृत श्री जिवन राज अर्यालज्यूको विशेष उपस्थितिमा र वडा अध्यक्षज्युहरु, कार्यपालिकाका सदस्यज्युहरु, विभिन्न शाखाका शाखा प्रमुखज्युहरु, कर्मचारीहरू, समाजसेवी, नागरिक समाज लगायतको उपस्थितिमा पालिकाको सभाहलमा यस खानीखोला गाउँपालिकामा प्रमुख प्रशासकिय अधिकृतको पदमा जिल्ला प्रशासन कार्यालय, काठमाडौँबाट सरूवा भई आउनु भएका श्री राम कुमार तिमल्सेनाज्यूको स्वागत तथा परिच्यात्मक कार्यक्रम सम्पन्न गरियो ।

आ.व. २०८१/८२ मा सम्पादित स्वास्थ्य कार्यक्रमहरु मध्य खानीखोला गाउँपालिकाले जेष्ठ नागरीक घुम्ती घरदैलो स्वास्थ्य सेवामा उल्लेखनीय कार्य सञ्चालन गरी स्वास्थ्य क्षेत्रमा पुऱ्याएको अतुलनीय योगदानको उच्च कदर गर्दै आज मिति २०८२ साल कार्तिक २७ गतेका दिन जिल्ला स्तरीय वार्षिक समिक्षा कार्यक्रमको अवसरमा जिल्ला समन्वय समितिको कार्यालय, काभ्रेपलाञ्चोकका जिल्ला समन्वय प्रमुख श्री दिपक गौतमज्यूद्वारा प्रशंसा पत्र प्रदान गर्दाको झलक